شەفەق نیوز دادگایگ عیراقی فه‌رمان سزای دوو جار سیدارەدان دەێد لەبان دوو کەس له‌باوه‌ت کوشتن پیاویگ وژنەگەی لە بەغدا، و دوو جاریش سزای ١٥ ساڵ زندان دا لەبان سییەمیان ک هاوکار بویە لە و تاوانه.
هەرسگ تاوانبار هاوبەش بوینە لە کوشتن خاوەن باخچە ساوایگ ئەهلی وهاوسەرەگەی، لەدویای گیچەڵ پویل ناوبەین هەردوولا.
دویەت قوربانیەگە وت: تەرم باوگم لە بان زەوی دیم لەقات خوارین ک کردیمنەسەی باخچەی ساوا، وتەرم داڵگمیش کەفتویدە ناو یەکی لە هۆلەیل.
وه بڕیار ئەنجومەن باڵای داد عیراقی، هەردگ تاوانبار ک برای یەکن، کار لە بیناکاری کەن، رێک هاتنه وەگەرد قوربانیەیل ئه‌را خاسکردنەوەی ماڵه‌گه‌یان ، دویاتر کەفتنسه مرافە چوینکە کاریان خاس نویه، وبڕی پویلیش مەنیسەو لایان .
لە قسەیل تاوەنبارەیل دیاردا ک هەردگیان وه‌رژه تاونەگە هەوڵدانه گومپیالەیگ بایی ٢٠ ملیۆن دینارعیراقی بدزن ك قوربانیه‌گه قەرز لەبانیان داشتیه.
وه‌رژه ئه‌وه‌ش تاوانبارە سەرەکیەگە دووجار هەوڵ دایه ئەو کومپیالە بدزید وەلی وەپی نەکریاس.
لەسییەم هەوڵدان یەکی لە تاوەنبارەیل لەناو یەکی لەهۆڵەگان، هەنای ژنەگە وه‌پی زانستیە و قیژانیە، وئاسنی داسە بان سەری وجیوەجی کوشتیەسەی، دویای ئەوەیش پیاوەگە هەنای تواستیه تاوانبار بگرێد کوشریاس.