شەفەق نیوز/ سەرچەوەیگ ئەمنی، خەوەردا لە کەفتن ٨ زەخمدار، لەوەر مرافەیگ کۆنە ناوبەین دوو بنەماڵە، ک لەناو دەسەی ئیمام حسێن لە پارێزگای بابل یەکانگیر بوین.

سەرچەوەگە ئەرا ئاژانس شەفەق نیوز وت: دوو بنەماڵە خەڵک پارێزگای زیقار، مرافەی کۆنەیگ هاناویان، لەناو یەکیگ لە دەسەیل حوسەینی لە ناوچەی دبلە لە پارێزگای بابل یەکانگیر بوین.

وتیش: یەکانگیرییان بویە جەنگ سەختیگ ناوبەینیان، تا رەسیە کەفتن ٨ زەخمدار، ک خاوەن دەسەگەیش ک میوانیان کرد دەسیگی شکیا.

سەرچەوەگە وتیش: هیزیگ ئەمنی رەسیە شوین رویداوەگە، و کارەیل بردن زەخمدارەیل ئەرا خەسخانە ئاسانەو کرد.