شەفەق نیوز/ دادگای نەهیشتن تاوانەیل پارێزگای زیقار، ئمڕوو سێشەممە، فەرمان وەسێدارەدان و زیندان هەتایی لەبان ٩ کەس وە توومەت تیرۆر و تاوانی دەرکرد.
سەرچەوەیگ ئەمنی لە پارێزگای زیقار ئەرا ئاژانس شەفەق نیوز وت: دادگای نەهیشتن تاوانەیل زیقار، فەرمان وەسێدارەدان لەبان ٩ تیرۆرست وە تاوانەیل تیرۆری دژوە هیزەیل ئەمنی و هاووڵاتیەیل دەرکرد، ئەوەیش لە بنەمای مادەی ٤ لە یاسای دژەتیرۆر.
سەرچەوەگە وتیش: دادگاگە فەرمان زیندان هەمیشەیی لەبان دوو توومەتبار لە دەوڵەت بەنگلادیش وە توومەت کوشتن برادەریان لە شار ناسریە لە ساڵ گوزەشتە دەرکرد، وتیش؛ بڕیارەگە وە مادەی ٤٠٦ لە یاسای سزادان عراقی دەرچگ.