شه‌فه‌ق نيوز/ دكتۆر جه‌واد موسه‌وى بڕيارده‌ر شانه‌ى قه‌يران نوێنه‌رايه‌تى و ئه‌ندام ليژنه‌ى ته‌ندروستى و ژينگه‌ى نوێنه‌رايه‌تى عراق، داواى دوباره هاوردنه‌وه‌ى قه‌يه‌غه‌ى هاتوچوو كرد.
موسه‌وى له باسيگ ئه‌را شه‌فه‌ق نيوز وت: داواكارم مراجعه‌تيگ له بريار وازكردن نيمه‌چه‌يى قه‌يه‌غه‌ى هاتوچوو بكريه‌يد و دوباره وه ته‌واوى قه‌يه‌غه‌ى هاتوچوو فه‌رز بكريه‌ێد و رێ وشوونه‌يل تونيگ له‌باره‌ى پابه‌ندبوين و خويپاريزى بكريه‌ێد.
موسه‌وى وت: ئى داواكاريه دوياى ده‌ركه‌فتن شماره‌يگ تر تويشبوين وه ڤايرۆس كۆرۆنا هاتگه‌و له ئه‌نجام پابه‌ند نه‌وين وه رينمايه‌يل ته‌ندروستى و كردنه‌وه‌ى نيمچه‌يى قه‌يه‌غه‌ى هاتوچوو و ده‌رچگن هاووڵاتيه‌يل وه شيوه‌ى فراوان وه‌بى پابه‌ندبوين وه رينمايه‌يل ته‌ندروستى و خوه‌يپاريزى و دويرگرتن له كه‌سه‌يل تر و جه‌خت له‌وه‌يش كرد قه‌يه‌غه‌ى نيمچه‌يى له دو رووژ زياتر نه‌دێ له هه‌فته‌يگ وه‌ل پابه‌ندبوين ته‌واويگ وه رينمايه‌يل وه‌زاره‌ت ته‌ندروستى.