شەفەق نیوز – میسان

سەرچەوەیگ ئەمنی لە میسان، ئمڕوو پەنجشەممە، خەوەردا لە کوشیان کەسیگ و زەخمداری 4 کەس وە نووەوبوین مەرافیگ هوزانە لە ناوڕاست شار عەممارە.

سەرچەوەگە ئەرا ئاژانس شەفەق نیوز ئاشکەریکرد، رویداوەگە لە ئەنجام پەلاماریگ چەکداری بوی  و تەقەکردن لا ناوەین هەردوگ لا کە تویڕەیی و مەراف کوەنە وە یەکیانەو بەسێد، لە ناو کوچەی رسالا لە ناوراس شارەگە.

سەرچەوەگە وتیش؛ هێزەیل ئەمنی ئاخڵەی ئەمنی شوین رویداوەگە دانە، و زەخمدارەیل ئەرا خەستەخانە کلکریان هانە ژیر مقیەتی ئەمنی تا چارەسەر وەرگرن، و تەرم قوربانییەگە بریارە پزەشک دادوەری، و لێکۆڵینەوەی فراوانیگ  وازکریا ئەرا ئاشکراکردن چوينیەتی رویداوەگە و ئەو کەسەیلە دەسدیرن لەلی.