شەفەق نیوز/ هێزیگ لە فەرماندەی ئۆپراسیۆنەگان دیالە، دەسکردە ئۆپراسیۆنیگ ئەمنی ئەرا نەهیشتن شوون پای ریخریایە تیرۆرستەگان لە دەورگرد قەزای موقدادیە. بەیاننامەیگ لە شانەی ئەمنی رەسیە ئاژانس شەفەق نیوز وت: فەرماندەی ئۆپراسیۆنەگان دیالە دەسکەێدە ئەرک وەشکین لە ئاوای خێلانیە لە قەزای موقدادیە، کەرتەیل فیرقەی پەنجم و پۆلیس دیالە و حەشد شەعبی لەلی بەشداربوین.
بەیاننامەگە وتیش؛ دوو حەشارگە لەناو ژیرزەویەیلیگ دینەو، و تەقەلای ئەندازیاری دەسکردە وازکردن ریەگان و ماڵین گیا سروشتیەکان وقامیشەگان.
بەیاننامەگە دیاریکرد ک ئۆپراسیۆنەگە خوازێد نەهیلێد چەتەیل داعش تیرۆرست شوون گامیگ لە دەورگرد قەزای موقدادیە بیاشتان و بکەفێدە شوون کەسە تیرۆرستەگان.
پەنج کەس لە هووزیگ عراقی وەدەس ریخریاگ داعش لە موقدادیە کوشیان، لەناویان گەورای هووزەگە بوی، ، و خەوەرەگان لە ووردەکاریەیل رووداوەگە جووراجور بوین، بەڵکم ئەوەگ چەسپیاگە ک داعش کەسیگ لە هووز بەنی کەعب لە پارێزگاگە رفان، و تەرمەگەی تەقەمەنی کرد، و تەقینەوی تەرمەگە بویە هووکار کوشتن چوار کەس تر لە خیزان رفیایەگە.