شەفەق نیوز - بەسڕە

وەڕێوەبەر گشتی کۆمپانیای گشتی ئەرا گواستنەوەی دەریایی لە وەزارەت گواستنەوە، ئەحمەد جاسم، ئمڕوو یەکشەممە،  رەسین کەشتی "بەسڕە" ئەرا بەندەر ئوم قەسر  بارکریاگ وە کانتینەرەیل راگەیان، کە لە بەندەر جەبەل عەلی لە ئیماراتەوە هاتوید، لە گامیگ کە وەنووڕین ئەرا  دەسوەپیکردن چالاکی کڕ دەریایی عراق و دووارە گلەوخواردن گەشتەیل بازرگانی دویا وسیانیگ  دەیان ساڵ.

جاسم، لە بەیاننامەیگ رەسیە ئاژانس شەفەق نیوز  وت:  کڕ دەریایی ریدەێد وە ئەوزەڵداین جویلەی گواستنەوەی کەلوپەل و کانتینەرەیل ناوەین بەندەرەیل عراقی و ئیماراتی، و رییەیل زیاتر ئەرا بارکردن دابین کەێد لە وەرانوەر بازرگانەیل و هاوردەکەرەیل، کە بەشدار بوود لە ئاسانکاری پڕۆسەی هاوردەکردن و هەناردەکردن و ئەوزەڵداین جویلەی بازرگانی لە ری بەندەر ئوم قەسر.

دیاریکرد، دووارەگلەوحواردن ئی کڕە  لە ناو ئاڕاستەی کۆمپانیا ئەرا گورجەوکردن رۆل گواستنەوەی نیشتمانی و فراوانکردن خزمەتەیلی لە مژار گواستنەوەی دەریایی، و قایمکردن ئامادەبوی لە جویلەی بازرگانی ناوچەیی و جیهانی، وە جویریگ کە پشتگیری نەرمبوین گواستنەوەی کەلوپەل کەێد و بەشدار بوود لە خزمەتکردن ئابووری نیشتمانی.