شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە دەرکەفتن نویسانن لایەنگریکردن ريخرياگ تیرۆری داعش لەقەی دیوارەیل مالیگ لە بەغداد پایتەخت.
سەرچەوەگە ئەرا ئاژانس شەفەق نیوز وت: نویساننەگە لە قەی ماڵیگ لە ناوچەی زاعفەرانیە دروشمەیل داعش ئاشکرا کەن.
وتیش: هیزیگ ئەمنی رەسیە شوین رویداوەگە، و ئەو نویسانەیلە سڕیەو، و کەفتە گەردین لە کامیرایل چەودیاریکردن تا بڕەسنە خاوەن ئی کردەوە.
لەی رووژەیل گوزەشتە، نویسانن دروشمەیل داعش لەقەی ماڵەیلیگ لە گەڕەک نسوور لە پارێزگای ئەنبار هاتە دێ، هەمیش بەرزکردن پەرچەم داعش لەبان مەکتەوەیگ لە کەرکوک، وەگەرد کاریگ وەیجویرە لە سەڵاحەدین.