شەفەق نیوز/ سەرچەوەیگ ئەمنی لە دیالە، ئمڕوو جمعە، خەوەردا لە کوشیان دوو گەنج وە تەقینەوەی بومبیگ دانریاگ لە باکوور خوەرائاوای بەعقوبە.
سەرچەوەگە ئەرا ئاژانس شەفەق نیوز وت: بومبیگ دانریاگ لە کنار ریەگە لە ئاوای عەرەب بورغش دوێەشەو تەقیو و بویە هووکار کوشیان دوو گەنج.
وتیش؛ هێزیگ ئەمنی رەسیە شوون رووداوەگە و دوو قوربانیەگە وەرەو پزشک دادوەری برد و لێکۆڵینەوەیگ واز کرد.
جی باسە ک یە یەکەم رووداوە لەی شیوە لە ناحیەی جدیدە شەت ئەرا ساڵەیل دریژیگە.