شەفەق نیوز/ سەرچەوەیگ ئەمنی، ئمڕوو جومعە، خەوەردا لە کەفتن دو قوربانی و سێ زەخمدار وە تەقینەوەەیگ ک ماشین مەدەنیگ کردیەسە ئامانج لە دەورگەرد قەزای خانەقین لە پارێزگای دیالە. 

سەرچەوەگە وە ئاژانس شەفەق نیوز وت، تەقینەوەگە لەڕێ بۆمبیگ بویە لە ئاوای مەعدان سەر وە قوڵای لە دەوروبەر قەزای خانەقین. 

تەقینەوەگە لە دویای چەن ساعات کەمیگ رویدا لە پەلامارەگەی ئەندامەیل داعش وەبان خاڵ ئەمنییگ سەر وە تیپ یەکەم لە سووپای لە ناوچەی (قوڵای) لە دەوروبەر خانەقین، لە ئەنجام قوربانیگ لە سوپا کەفتەو وەگەرد زەخمداری سێ کەس. 

ڕێکخریاگ داعش لەی ڕووژەیل دویاییە پەلامارەیلی وەبان ناوچە گەرمەیل دیالە فرەوکردیە   وە وەئامانجگردن خاڵەیل پەیوەنیدار وە دەزگایەیل ئەمنی و حەشد شەعبی.