شەفەق نیوز/ سەرچەوەیگ حکومەتی، ئمڕوو شەممە، خەوەردا لە دویاکەفتن گەورە و ناکاوییگ لە بەشەوکردن وزەی کارەبا لە عراق.
سەرچەوەگە ئەرا ئاژانس شەفەق نیوز وت: داوەزیان نیمچە تەواویگ وەرجە کەمیگ لە سیستەم کارەبای نیشتمانی بوی، لەوەر داوەزیان بەرهەم وزە لە ٢٩ هەزار میگاوات ئەرا ١٤ هەزار میگاوات.
سەرچەوەگە دیاری کرد کە ئەوە بویە مدوو بڕیان کارەبا، و دویاکەفتن گەورەیگ لە ساعەتەیل بەشەوکردن لە گشت پارێزگایل عراق.
یە چوارەم گلەس لەی پەنج ساڵ دویاییە کە سیستەم کارەبای نیشتمانی وە نیمچە تەواویگ پەکی بکەفێد، لە وەختیگ حکومەت دەسەیل وەدویاچگن لەی باوەتە دروس کەێد.
عراق یە دەیان ساڵە وەدەس کەمی کارەبا ناڵێد، مە مەردم ناچار بوون کارەبا لە مولدەیل تایبەت بسینن.