شەفەق نیوز/ سەرچەوەیگ ئەمنی لە زیقار، ئمڕوو شەممە، خەوەردا لە خوەی ئاگرداین خاوەن گامیشیگ لە باشوور ناسریە، لە خوسەی مردارەوبوین دویاترین گامیشەیلی لەو قەیران ئاوە لە ئەهوار.
سەرچەوەگە ئەرا ئاژانس شەفەق نیوز وت: یەکیگ لە گامیشلەوانەیل، ئمڕوو لە ناوچەی ئیشان گبە لە ناوچەی ئەهوار لە قەزای چبایش لە پارێزگای زیقار، وە بەنزین خوەی سزان، ئەوەیش دویای مردارەوبوین دویاترین گامیشەیلی ، لەوەر ئەو قەیران ئاوە، ک وەیەوە هەر هەفت گامیشەگەی ک لەبانیان ژیانی گوزەران گەێد فەوتیان.
سەرچەوەگە دیاری کرد ک کەسوکار و نزیکەیلی تەقەلای رزگارکردنی دانە و بردنەسەی خەسەخانە، باوجی سزیانەگەی سەختە.