شەفەق نیوز/ کەشناس عراقی سادق عەتیە، ئمڕوو دوشەممە، وت لە شەوەکی کاریگەری خوەڵ و توزەگە لە شارەیل باشوور و ناوچەیل خوەرئاوای ولات رەسێدە لوتکە، خەسیەگەی سووکەو بوود لە ساعاتەیل نیمەڕو. 

عەتیە لە پۆستیگ لەبان تووڕ کومەڵایەیەتی فەیسبووک نویسایە، جموجویلەی شەپۆلە خوەل و توزەگە کاریگەری وەبان وڵات دروسکردێد لە دویکە یەکشەممە 1 ئایار تا شەوەکی رووژ دوشەممە. 

ئاشکەرایکرد، خەسی شەپۆلەگە دەسکەێد وە سووکەوبوین لە شارەیل ناوڕاس و فورات، باوجی کاریگەریەگەی لە ساعات 8 شەوەکی رەسێدە لوتکە لە شارەیل باشور و باشوور خوەرئاوا، خەسیەگەی لە نیمەڕو ئمڕوو دوشەممە کەمەو بوود.