شەفەق نیوز/ ئمڕوو یەکشەممە، چالاکیەیل فیستواڵ وەهار لە پارێزگای نەینەوا دەسوەپی کرد، وە ئامادەبوین حکومەتی و جەماوەری فراوانیگ وەناونشان "نەینەوا وەهاریگ هەمیشەیی.. و ئاوەدانی و ئاشتی".
سەرچەوەیلیگ ناوخوەیی وتن: چالاکیەیل فیستواڵ وەهار وە ئامادەبوین عەبدولەتیف رەشید سەرۆک کۆمار، و محمد حەلبووسی سەرۆک ئەنجومەن نوینەرەیل، و شمارەی گەورەیگ لە وەرپرسەیل دەسوەپی کرد.
یەکەمین فیستواڵ وەهار لە لە مووسڵ لە ساڵ ١٩٦٩ وەڕیەو چگ، تا بویە فستیواڵیگ ساڵانە، وەگەر سەوزبوین زەوی و وازبوین گوڵەیل لە شار مووسڵ، ک وە خاوەن دوو وەهار ناسریاگە، چوینکە وەرز وەهار و تاوسان کەشوهەوای هوونک دیرێد.