شەفەق نیوز/ سەرچەوەیگ ئەمنی لە پارێزگای میسان، ئمڕوو چوارشەممە، خەوەردا لە هووکارەیل رویداو کوشیان عەباس عراقی ئەو چالاکوانە لە ناڕەزایل تەشرین.
سەرچەوەگە ئەرا ئاژانس شەفەق نیوز وت: عەباس عراقی لەلایەن کەسەیلیگ نەناسریاگ رفیا، و وەکوتپڕ تەرمەگەی فڕە دانە بان ری ناوبەین ناحیەی سەلام وقەزای مەیمونە.
سەرچەوەگە دیاری کرد ک عەباس عراقی یەکیگە لە ناڕەزا گورجەیل لە خوەینشاندان تەشرین، و هیمان باوەت کوشتنی نادیارە، ک لێکۆڵینەوە سەرەتایەیل دەسنشان رویداویگ تاوانی کەن لەوەر توڵەسەنین هووزانە.