شەفەق نیوز/ سەرچەوەیگ ئەمنی، شەوەکی ئمڕوو دووشەممە، دووپات کرد کە هیمان ستوین دویکەڵ لە رویداو ئاگر ئەمارەیل جادەی زیلال لە ناوڕاس بەغداد وەبانەو بوی، ئەوەیش دویای کپەوکردن تەواوەتیی دویەکە یەکشەممە.
وینەیلیگ بڵاو کریان وەردەوامی بەرزەوبوین دویکەڵ لە شوین ئەو ئاگرە نشان دان کە دویەکە لە ئەمارەیل بازرگانی هیز گرد.
سەرچەوەگە ئەرا ئاژانس شەفەق نیوز وت: تیمەیل وەرگری شارستانی هیمان تا شەوەکی ئمڕوو لەکار کپەوکردن ئاگرەگە وەردەوام بوین، کە لە ئیوارەی دویەکەو نزیکەی ٦٠ ماشین ئاگرکپەوکردن ئەرا ئەو ئاگرە کلکریاس.
ئاگرەگە لەناو ئەمارەیل (جەمولۆن) هیز گرد کە بتوڵ غاز و چشتەیلیگ جویراجویر لەناوی بوی، و وەزارەت ناوخوەی عراق دویەکە وت: وەبی توومارکردن زەخمداری کپەو کریا.
وەزارەت ناوخۆ لێکۆڵینەوە واز کرد ئەرا دیاریکردن مدووەیل رویداوەگە و سزادان خاوەن کەموکوڵیەیل لە جیوەجیکردن ریکارەیل بیوەیی، لە وەختیگ دزیکردن چشتەیلیگ مەوقەی کپەوکردن ئاگرەگە توومار کریەێد، کە هیشت لایەنەیل ئەمنی مەوقەی کپەوکردن ئاگرگە ریکارەیل ئەمنی لەو ناوچە قایمەو بکەن.