شەفەق نیوز/ نرخ تەڵای بیگانە و عراقی لە بازاڕە ناوخۆیەیلە، دویای داوەزینی لە جەهان، ئمڕوو شەممە، وەشیوەی گەورەیگ داوەزی.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٥١ هەزار دینار، و نرخ سەنینی رەسیە ٣٤٧ هەزار دینار، ورووژ پەنجشەممە وەرجە پشوو جەژن قوربان رەسیە ٣٥٨ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢١ لە تەڵای عراقی هەمیش داوەزین توومار کرد لەپای ٣١٤ هەزار دینار، و نرخ سەنینی رەسیە ٣١٠ هەزار دینار.
لەباوەت نرخ تەڵا لە دوکان زەرەنگەریلە، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٥٠ هەزار دینار و ٣٦٠ هەزار دینار، و نرخ فرووشتن یەک مسقاڵ تەڵای عراقی ها ناونی ٣١٠ هەزار دینار و ٣٢٠ هەزار دینار.