شەفەق نیوز ـ بەسرە
نرخ نەفت خام ناوڕاس بەسرە بەرزەوبوی ئەرا 57.09 دۆلار ئەرا هەر بەرمیلیگ بوی لە کۆتا ئامار، ئمڕوو دووشەممە، و بەرزەوبوینیگ وە رێژەی 3.93% توومار کرد دوای داوەزیانیگ سەخت کە لەماوەی ئمساڵ تووماری کردوی.
وەپای زانیارییەیل نرخ کە ئاژانس شەفەق نیوز ئاگاداری بوی، خام بەرزترین ئاست خوەی لەی ماوە لە دەوروگەرد 135 دۆلار ئەرا هەر بەرمیلیگ لە یەک نیسان 2026 توومار کرد بوی، وەرجە ئەوەگ بکەفێدە ناو شەپوولیگ داوەزیان سەخت لەماوەی مانگەیل دویای ئەوە.
نەفت خام ناوڕاس بەسرە داوەزی ئەرا نزمترین ئاست خوەی نزیکەی 46 دۆلار ئەرا هەر بەرمیلیگ لە ناوڕاس تەموز 2026، کە یەش دیاری کەێد نرخەگە نزیکەی 89 دۆلار ئەرا هەر بەرمیلیگ لە لووتکەی خوەی لەدەسداس، وە داوەزیانیگ نزیکەی 66%.
لە وەخت توومارکردن قووڵایی داوەزیانەگە لە تەموز، خامەگە دوارە وە پلەپلە بەرزەو بوی تا رەسێدە 57.09 دۆلار لە 10ی ئاب، وە زیایبوونیگ نزیکەی 11 دۆلار، یا نزیکەی 24% بەراورد وە نزمترین ئاست خوەی لەی ماوە.
وەی جویرە ئیرنگە نرخەگەی هێمان نزیکەی 78 دۆلارە، یا نزیکەی 58% کەمترە لە بەرزترین ئاستیگ کە خام ناوڕاس بەسرە لەی ماوە تووماری کردوی.