شەفەق نیوز/ دەزگای حەشد شەعبی، ئمڕوو چوارشەممە، ئاشکرای راسیەگە لە بڵاوبوین باڵەیلیگ عراقی لە سوریا کرد، ودووپاتکرد لە رەتکردن حکومەت عراق لە بەشداربوین هەر باڵیگ لە دەیشت سنورەگە.
کەمال حەسناوی سەرکردە لە دەزگاگە ئەرا ئاژانس شەفەق نیوز وت: ئەو خەوەرەیلە ک باس بڵاوبوین باڵەیلیگ عراقی سەروە حەشد شەعبی کەن لە مەیادین سوریا ، راس نیە، ودیاری کرد ک گشت باڵەگان تەنیا هانە ناو سنوور عراق- سوریا، وەبی وەناوچگن ئەرا خاک سوریا.
حەسناوی وتیش: هەر بڵاوبوینیگ ئەرا هەر باڵیگ عراقی، دویرە لە راسی و رەزامەنی حکومەت عراق و حەشد شەعبی، و دەزگاگە بەشداری نێکەێد لە هیچ بڵاوبوین سەربازییگ لە دەیشت سنور عراق.
هەمیش وت: حکومەت عراق ئەگەر خەور داشتگە وە بەشداری باڵەیلیگ عراقی لە هەر جەنگیگ لە دەیشت عراق، خو خوەی رەتی کەێد، و ری لە هەر باڵیگ بڕێد تەقەلای بەشداری لە هەر جەنگیگ لە دەیشت سنورەگە بکەێد.
رەوانگەی ماف مرۆڤ سوریا ، دویەکە سێشەممە، وت: کەتایب حزبولڵای عراقی، وە قویلی بیست کێلومەتر چینەسە ناو بیاوان مەیادین لە ئاوای دیرزۆر لە سوریا.