شه‌فه‌ق نيوز/ عادل عه‌بدولمه‌هدى سه‌رۆك وه‌زيره‌يل، تويش بڕيگ ره‌خنه هات وه بوونه‌ى مكوڕبوينى له‌بان دوباره كاركردن وه پۆسته‌يليگ ك بڕيگ له‌ليان له سه‌رده‌م حه‌يده‌ر عه‌بادێ سه‌رۆك وه‌زيره‌يل وه‌رجه خوه‌ى هه‌ڵوشريانه‌سه‌و له‌وه‌ر قورساييان له‌بان بودجه‌ى ده‌وڵه‌ت.
له‌ى باوه‌ته‌و، ئه‌نداميگ له ليژنه‌ى ده‌سپاكى ك نه‌تواس ناوێ ئاشكرا بدێ، ئه‌را ئه‌لعه‌ره‌بى ئه‌لجديد وت: ناڕه‌زايه‌تى فريه‌يگ هه‌س له‌بان مكوڕبوين عه‌بدولمه‌هدى له‌باره‌ى دوباره كاركردن وه‌و پۆسته‌يله ك له‌سه‌رده‌م عه‌بادى هه‌ڵوه‌شريانسه‌و جوور راوێژكاره‌يل و كارمه‌نده‌يل له نويسينگه‌گه‌ى و يه‌يش ده‌رخست ك وه‌پيداين پۆست وه‌خاتر مشتومڕ مه‌سه‌له‌يگه كاريگه‌رى له‌بان بودجه‌ى ده‌وڵه‌ت ديرێد.
جى باسه، يه‌يش له‌وه‌ختيگه، له ئادار گوزه‌يشت، عه‌بدولمه‌هدى ئه‌نجومه‌ن باڵاى نه‌هيشتن گه‌نده‌ڵى دامه‌زران و شماره‌يگ له كه‌سه‌يل نزيك له خوه‌ى له‌تى دامه‌زران له گاميگ ك بويه جێ تويڕه‌يى شماره‌يگ له نوێنه‌ره‌يل سياسيه‌يل.