شه‌فه‌ق نيوز/ زيا كه‌ريم، وه‌ڕيه‌وبه‌ر گشتى ده‌زگاى كاروبار و پاريزگاريكردن له قه‌ورسانه‌يل وه‌جه‌م له ده‌زگاى شه‌هيدان، باس له شيوازه‌يل تازه‌يگ كرد له‌باره‌ى قه‌ورسانيگ وه‌جه‌م كورده‌يل فه‌يلى ك ئمڕوو ئاشكراى كريا.
ده‌زگاى شه‌هيدان ئاشكراى وه‌ديكردن شوونه‌يليگ كرد ك قه‌ورسان وه‌جه‌م كورده‌يل فه‌يلى و قوربانى تاوانه‌يل حزب به‌عسن، وه‌لێ باس له‌و ناوچه نه‌كرد ك قه‌ورسانه‌گه له‌تى دوينرياسه‌و.
كه‌ريم ئه‌را شه‌فه‌ق نيوز وت: ده‌زگاى كاروبار و پاريزگاريكردن له قه‌ورسانه‌يل وه‌جه‌م، رينمايى داگه ئه‌را وه‌رگرتن بڕيگ زيانيارى ك زويتر ده‌سى كه‌فته له‌باره‌ى وجوود قه‌ورسان وه‌جه‌م كورده‌يل فه‌يلى و چيه‌سه ئه‌و ناوچه‌ى دياريكرياگه ك نه‌تواس ناوه‌گه‌ى ئاشكرا بكاو ره‌سيه‌سه زانياريه‌يليگ له‌ڕێ وێنه‌ى ئاشمانييه‌و ئه‌را دياريكردن ئه‌و قه‌ورسانه.
باس له‌وه‌يش كرد له ماوه‌ى رووژه‌يل ئاينده‌ى كه‌ميگ سه‌ردانيگ مه‌يدانى ئه‌را ئه‌و شوونه ئه‌نجام ئه‌دريه‌ێد كك ئه‌و قه‌ورسانه له‌تى دوينرياسه‌و له‌وه‌ر مه‌زه‌نه‌كردن هونه‌رى ئه‌راهه‌ڵدانه‌وه‌ى له چوارچێوه‌ى پلانه‌يل ئاينده‌ى ئه‌را وازكردنى، وه‌لێ له‌ڕێ ديد يه‌كه‌ميگه‌و ئه‌را ئه‌و وێنه‌يل ئاسمانيه ده‌ركه‌فتگه ئه‌و خاكه ك ئاڵشتكارى له‌تى روێداگه نيشانه‌ى ئه‌وه بويه ك قه‌رسانيگ گه‌وراى وه‌جه‌م و قوربانيه‌يل فريه‌يگ گرته‌سه خوه‌ى.