شه‌فه‌ق نيوز/ عراقيه‌يل وێنه‌يگ فه‌ريق روكن عه‌بدولوه‌هاب ساعدى سه‌ركرده‌ى وه‌رين هيزه‌يل ده‌زگاى دژه تيرۆر ك له‌تى سه‌ردان گرده‌وبوين خوه‌ينيشانده‌ره‌يل كرد له ناوچه‌ى زه‌يونه له خوه‌رهه‌ڵات به‌غداى پايته‌خت بويه‌سه جى مشتومڕيگ سياسى.
خوه‌ينيشانده‌ره‌يل ره‌سم وه‌ل ساعدى گرتن ك له‌بارودوخيگ ئاسووده ده‌ركه‌فێد دوياى مانگيگ له لاوردنى له پۆسته‌گه‌ێ جوور سه‌ركرده‌يگ وه‌هيزترين ده‌زگايگ ك به‌شدار بوێ له روێ وه‌ڕوێ بوينه‌وه‌ى ريكخرياگ تيرۆريستى داعش هه‌ناى ك نزيكه‌ى نيمه‌ى روێ وه‌ر عراق له‌ناونى 2014 و 2017 داگير كردوێد.
جى باسه، له يه‌ك ئوكتۆبه‌ر 2019، له‌وه‌ختيگ ك جموجويل خوه‌ينيشانداين ده‌س وه‌پيكرد، خوه‌ينيشانده‌ره‌يل وێنه‌ى ساعدى به‌رزه‌و كردن و لايه‌نگريى كردن له روێ وه‌ڕوێ بوينه‌وه‌ى عادل عه‌بدولمه‌هدى سه‌رۆك وه‌زيره‌يل.