شەفەق نیوز/ وەڕێەوبەرایەتی وەرگری شارستانی، ئمڕوو سێشەممە، دراوردن تەرم پەنج کەس لە یەک خیزان راگەیان ک لەناو ئاگر ماڵیگ کۆنە لەناوڕاس شار بەسرە تاسیانە، ک قوربانیەیل مەوقەی ئاگرەگە لەناو خەو بوینە.
وەڕیەوبەرایەتیەگە لە بەیاننامیگ رەسیە ئاژانس شەفەق نیوز وت: تیمەیلی رویداو ئاگریگ لەناو ماڵ کۆنەیگ وە بلۆک و چوو دارخورما و چینکو و پلاستیک کریاگە لە ناوچەی بەسرەی کۆن ناوڕاس پارێزگای بەسرە کپەو کردن.
بەیاننامەگە وتیش: تیمەیل وەرگری شارستانی تەرم پەنج کەس لە یەک خیزان دراوردن، ک وە دویکەڵ ئاگرەگە لەناو خەویان تاسیانە، و بریانە خەسەخانەی بەسرە.