شه‌فه‌ق نيوز/ مازن عه‌بدولمنعم ئه‌ندام ئه‌نجومه‌ن نوێنه‌ره‌يل عراقى داوا له سه‌رۆك وه‌زيره‌يل و په‌رله‌مان و هيزه‌يل سياسى كاريگه‌ر كرد كورده‌يل فه‌يلى بكه‌فنه وه‌ر كانديدكردن ئه‌را پله‌يل تايبه‌ت و دامه‌زرياگه‌يل سه‌روه‌خوه‌ى.
له‌و باوه‌ته‌و، عه‌بدولمنعم له به‌ياننامه‌يگ ئه‌را شه‌فه‌ق نيوز وت: كورده‌يل فه‌يلى تويش زوڵم و سته‌م فريه‌يگ هاتنه ئه‌را ساڵه‌يل دوير ودريژيگ ك وجوود و ناسنامه‌ى گريا ئامانج له سه‌رده‌م رژيم به‌عس و گشت مافه‌يليگ بنه‌ڕه‌تى ئنسانى له‌ليان زه‌فت كريا.
جى باسه، عه‌بدولمنعم داوايش له سه‌رۆك وه‌زيره‌يل و په‌رله‌مان و هيزه‌يل سياسى كاريگه‌ر كرد رووڵه‌يل ئى پيكهاته‌ى سته‌مديده بكه‌فنه وه‌ر بژارده‌يل كانديدكردن ئه‌را پله‌يل تايبه‌ت و دامه‌زرياگه‌يل سه‌روه‌خوه‌ى ك يه‌يش گاميگ له‌بان رێگه‌ى دريژيگ له‌وه‌ر لاوردن زوڵم له‌بانيان ك وه‌دريژايى ده‌يان ساڵ له حوكم ديكتاتۆريه‌ت وه تويشيان هاتگه.