شەفەق نیوز/ سەرچەوەیگ ئەمنی لە زیقار باشوور عراق، ئمڕوو چوارشەممە، خەوەردا لە کوشیان ئەندامیگ ئەمنی لەمەوقەی هەڵمەتیگ کوشیا.
سەرچەوەگە وە ئاژانس شەفەق نیوز خەوەردا، " ئەندامیگ ئەمنی لە مەوقەی ئەنجامداین یەکیگ لە ئەرکەیلی دژ وە توومەتباریگ لەناوچەی زوغێبی لە قەزای شەترە باکوور پارێزگای زیقار کوشیا"، دیاریکرد" ئەرک ئەمنیەگە چەودێریکردن داواکریاگەیل ئەرا دادگا بویە، رەسیەس وە تەقەکردن لەناوەین هەردگ لایەن".
لەرویداویگ ئەمنیتر سەرچەوەگە وت، "کەسەیل نەناسریاگ وە سێ بومب ماڵ فەرمانبەریگ لە بانەو کردنەسە ئامانج لە قەزای رفاعی باکوور پارێزگای زیقار، پەلامارەگە زەرەد مادی وە ماڵەگە رەسانیە".