پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 152000 دینار عراقی وەرانوەر 100 دۆلار ئەمریکی، نرخ دۆلار  دویکە ‌چوارشەممە 153100 توومارکریایە.

پەیامنێرمان وتیش؛ نرخ فرووشتن و سەنین لە دوکانەیل بەغداد داوەزین وە خوەی دی ، ک نرخ فرووشتن رەسیە 153000 دینار عراقی وەرانوەر 100 دۆلار ئەمریکی، و نرخ سەنینی رەسیە 151000 دینار.                

لەهەولێر پایتەخت  هەرێم کوردستانیش نرخ دۆلار داوەزین وەخوەیدی، ک نرخ فروشتن رەسیە 152200 عراقی وەراوەر 100 دۆڵار ئەمریکی، و نرخ سەنینی 152100 عراقی وەرانوەر 100 دۆلار ئەمریکی.