شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت، وەشیوەی کەمیگ داوەزیا.
پەیامنێر ئاژانس شەفەق نيوز وت: نرخ دۆلار ئەمریکی وەرانوەر دینار عراقی لە بۆرسەی کیفاح و حارسیە لە بەغداد پایتەخت، شەوەکی ئمڕوو، رەسیە ١٤٨٦٠٠ دینار عراقی وەرانوەر ١٠٠ دۆلار ئەمریکی.
رووژ پەنجشەممەی گوزەشتە، نرخ دۆلار رەسیە ١٤٨٦٥٠ دینار عراقی وەرانوەر ١٠٠ دۆلار ئەمریکی. پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد جیگیرە، ک نرخ فرووشتن رەسیە ١٤٩٠٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٨٠٠٠ دینار عراقی.
لە هەولێر پایتەخت هەرێم کوردستان، بۆرسەی دۆلار لە رووژەیل پشوو فەرمی کار نیەکەێد، وەلێ نرخ فرووشتن دۆلار دوکانەیل ئاڵشتکردن رەسیە ١٤٨٧٥٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٨٦٥٠ دینار عراقی.