شەفەق نیوز/  نرخ دۆڵار ئەمریکی وەرانوەر وە دینار عراقی، ئمڕوو یەکشەممە، لە بۆرسەی سەرەکی بەغدا داوەزیا، و  لە هەرێم کوردستان جیگر بۊ. 

پەیامنێر ئاژانس شەفەق نیوز وت: بۆڕسەی کیفاح و حارسیەی ناوەندی ئمڕوو،  146400 عراقی وەرانوەر 100 دۆلار ئەمریکی تۆمارکردن، لە رووژ پەنجشەممە وەگەرد بەسیان بازارەیل 146500 دینار توومار کریا.

پەیامنێرەگەمان ئاماژە کرد ک نرخ فرووشتن و سەنەین لە بازاڕە ناوخۆیەیل بەغداد داوەزیایە ک نرخ فرووشتن رەسیە 147000 دینار عراقی، ونرخ سەنین رەسیە 145000 دینار وەرانوەر 100دۆلار ئەمریکی.  

لە هەولێر پایتەخت هەرێم کوردستانیش  جیگری وە خوەی دی،  نرخ فروشتن رەسیە 146500 دینار عراقی و نرخ سەنین رەسیە 146000 دینار عراقی لە وەرانوەر 100 دۆڵار ئەمریکی.