شەفەق نیوز/ نڕخ دۆڵار ئەمریکی وەرانوەر وە دینار عراقی ،ئمڕوو یەکشەممە، لە بۆرسەی سەرەکی بەغدا داوەزی  و  لە هەرێم کوردستان ئارامگرد.

پەیامنێر ئاژانس شەفەق نیوز وت: بۆڕسەی کیفاح و حارسیەی ناوەندی ئمڕوو،  146700 عراقی وەرانوەر 100 دۆلار ئەمریکی تۆمارکردن، دویکە شەممە  146800 دینار توومارکریا.

پەیامنێرەگەمان ئاماژە کرد ک نرخ فرووشتن و سەنەین لە بازاڕە ناوخۆیەگان لە بەغداد داوەزیایە ک نرخ فرووشتن رەسیە 147250 دینار عراقی، ونرخ سەنین رەسیە 146250 دینار وەرانوەر 100دۆلار ئەمریکی.

لە هەولێر پایتەخت هەرێم کوردستانیش    جیگیری وە خوەی دی،  نرخ فروشتن رەسیە 147100 دینار عراقی و نرخ سەنین رەسیە 147000 دینار عراقی لە وەرانوەر 100 دۆڵار ئەمریکی.