شەفەق نیوز/ نرخ تەڵای بیگانە و عراقی، ئمڕوو چوارشەممە،  لە بازاڕەیل عێراق کەمیگ داوەزیا.  

پەیامنێر ئاژانس شەفەق نيوز وت: نرخ فرووشتن یەک مسقاڵ عەیار 21 لە تەڵای خەلیچی و تورکی و ئەوروپایی لە بازاڕەیل جادەی نەهەر بەغدای پایتەخت رەسیە  369 هەزار دینار،  و نرخ سەنینی رەسیە 365 هەزار دینار، نڕخ فڕوشتن، دۊیکە سێشەممە 370 هەزار دینار ئەرا هەر مسقاڵ بۊی.    

پەیامنێرمان وتیش: نرخ فرووشتن یەک مسقاڵ عەیار 21 تەڵای عراقی داوەزین وەخوەی دی لەپای 339 هەزار دینار، و نرخ سەنینی رەسیە 335 هەزار دینار.     

لەباوەت نرخ تەڵا لە دوکان زەڕنگەرەیلە، نرخ فرووشتن یەک مسقاڵ تەڵای خەلیجی عەیار 21 هالە ناونی 370 هەزار دینار و 375 هەزار، و نرخ فرووشتن یەک شەممە تەڵای عراقی هالە ناونی 340 و 345 هەزار دینار.