شەفەق نیوز/ نرخ تەڵای عراقی و  بیگانە، ئمڕوو پەنجشەممە، لە بازاڕە ناوخۆیەیلەی بەغدا  و لە هەرێم کوردستان داوەزین کەمیگ وە خوەی دی. 

پەیامنێر ئاژانس شەفەق نیوز وت : نرخ فروشتن یەک مسقال تەڵای عەیار 21 خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت، رەسیە 370 هەزار دینار، ونرخ سەنینی رەسیە 366 هەزار، نرخ فروشتن  رووژ دوشەممە  371 هەزار بوی. 

پەیامنیرمان وتیش: نرخ فروشتن یەک مسقال تەڵای عراقی داوەزین وە خوەی دی لە پای 330 هەزار دینار وە نرخ سەنینی رەسیە  326 هەزار دینار. 

لە باوەت نرخ تەڵا لە دوکان زەرەنگەریلە، نرخ فروشتن یەک مسقاڵ تەڵای عەیار 21 خەلیجی ها لە ناوەنی 370 هەزار دینار و 380 هەزار دینار، نرخ تەڵای عراقی ها لە ناوەنی 330 هەزار و 340 هەزار دینار. 

نرخ تەڵا لە بازارەیل هەولێر داوەزین کەمیگ وە خوەی دیە نرخ مسقالیگ تەڵای عەیار  24 وە  427.000 هەزار  ومسقالیگ تەڵای عەیار 22  وە 390.000 هەزار و مسقالیگ تەڵای عەیار 21 وە 380.000 هەزار و مسقالیگ تەڵای عەیار 18 وە 320.000 هەزار.