شەفەق نیوز/ نرخ دۆلار ئەمریکی وەرانوەر دینار عراقی لە بۆرسەی سەرەکی بەغداد پایتەخت وەشیوەی کەمیگ داوەزیا، و لە هەرێم کوردستان ئارام گرت.  

پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد ل بەشیگیان دەرەیلیان واز کردن خ شەوەکی ئمڕوو ١٤٧٢٠٠ دینار وەرانوەر ١٠٠ دۆلار ئەمریکی توومار کردن.  

دۊیەکە یەکشەممە خ نرخ دۆلار رەسیە ١٤٧٢٥٠ دینار وەرانوەر ١٠٠ دۆلار ئەمریکی.  

پەیامنێرمان وتیش؛ نرخ فرووشتن و سەنین لە بازاڕە ناوخۆیەیلەی بەغداد ئارام گرت ک نرخ فرووشتن رەسیە ١٤٧٧٥٠ دینار عراقی وەرانوەر ١٠٠ دۆلار ئەمریکی،  و نرخ سەنینی رەسیە ١٤٦٧٥٠ دینار عراقی وەرانوەر ١٠٠ دۆلار ئەمریکی.  

لە هەولێر پایتەخت هەرێم کوردستان خ نرخ دۆلار ئارامی وەخوەی دی،  ک نرخ فرووشتن رەسیە ١٤٧٥٠٠ دینار وەرانوەر ١٠٠ دۆلار ئەمریکی،  و نرخ سەنینی رەسیە ١٤٧٠٠٠ دینار وەرانوەر ١٠٠ دۆلار ئەمریکی.