شەفەق نیوز/ وەزارەت تەندروسی و ژینگەی عراق، ئمڕوو پەنجشەممە، داوەزین ئامار تویشهاتنەیل ڤایرۆس کۆرۆنا راگەیان وەگەرد توومارکردن یەک مردن لە گشت وڵاتەگە وەماوەی ٢٤ سەعات گوزەشتە.
وەزارەتەگە لە بەیاننامیگ رەسیە ئاژانس شەفەق نیوز وت: ١٤٨ تویشهاتن نوو، و تەنیا یەک مردن، وەگەرد خاسەوبوین ٢٤٠ بیمار لە پەتاگە توومار کریاگە.
دویەکە چوارشەممە، وەزارەت تەندروسی عراق، هویچ مردنیگ وە پەتاگە توومار نەکرد، وەگەرد توومارکردن ١٦٨ تویشهاتنەیل لە گشت وڵاتەگە.