شەفەق نیوز- بەسرە
نرخەیل نەفت عراقی لە ماوەی مامەڵەیل رووژ پەنجشەممە داوەزیان توومار کردن، چوینکە نرخ خام بەسرەی قورس 45.28 دۆلار ئەرا هەر بەرمیلیگ داوەزیا، لە وەختیگ خام بەسرەی ناوەن ئەرا 49.28 دۆلار داوەزیا.
خام بەسرەی قورس وە بڕ 0.19 دۆلار، و وە رێژەی 0.42% داوەزیا، لە وەختیگ خام بەسرەی ناوەن وە هەمان بڕ، و وە رێژەی 0.38% داوەزیا.
ئەوەیش هاوکات وەگەرد داوەزیان نرخەیل نەفت لە بازاڕە جەهانییەیل تیەێد، چوینکە خام خوەرئاوای تەکساس ناوەن 83.02 دۆلار ئەرا هەر بەرمیلیگ توومار کرد، کە وە رێژەی 0.36% داوەزیاگە، لە وەختیگ خام برێنت وە شیوەیگ کەم ئەرا 92.01 دۆلار بەرزەو بوی، وە زیایبوینیگ کە رەسیە 0.07%.
هەمیش ئۆپێک وە رێژەی 3.22% داوەزیا تا 86.45 دۆلار ئەرا هەر بەرمیلیگ توومار بکەێد، لە وەختیگ نرخ خام موربان ئیماراتی رەسیە 91.10 دۆلار، کە وە رێژەی 0.32% داوەزیاگە.