شەفەق نیوز/ نرخ دۆلار ئەمریکی وەرانوەر دینار عراقی، ئیوارەی ئمڕوو سێشەممە، وەگەرد بەسیان بۆرسەی سەرەکی بەغداد پایتەخت، داوەزێد.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد پایتەخت، ئیوارەی ئمڕوو، لەبان نرخ ١٤٧٨٥٠ دینار عراقی وەرانوەر ١٠٠ دۆلار ئەمریکی دەرەیلیان بەسان، دیاری کرد ک شەوەکی ئمڕوو نرخ ١٠٠ دۆلار ئەمریکی رەسیە ١٤٧٩٥٠ دینار عراقی.
پەیامنێرمان وتیش: نرخ فرووشتن و سەنین لە دوکانەیل ناوخۆیی بەغداد جیگیرە، ک نرخ فرووشتن رەسیە ١٤٨٥٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٥٠٠ دینار عراقی.