‏شەفەق نیوز - بەسرە

‏ئمڕوو پەنجشەممە، نرخ نەفت خام قورس و ناوڕاس بەسرە وە ڕرێژەی زیاتر لە 8٪ داوەزی، وەبان بەرزەوبوین نرخ نەفت لە بازاڕەیل جیهانی،  لە وەختیگ کە بازاڕەیل خەریک مەزەنەیل نوون ئەرا ئەگەرەیل کەمەوکردن ئاڵۆزییەیل لە خوەرهەڵات ناوڕاس.

‏نەفت خام قورسی بەسرە داوەزینیگ وە بڕ 9.75 دۆلار توومار کرد، کە وەرانوەر وە 8.22٪، و نرخ هەر بەرمیلیگ رەسییە 108.93 دۆلار؛ هەمیش نەفت خام ناوڕاس بەسرە وە هەمان نرخ و وە رێژەی 8.07٪ داوەزی و نرخ هەر بەرمیلیگ رەسییە 111.03 دۆلار.

‏لە وەرانوەر ئیە، نرخ نەفت لە جیهان بەرزەو بوی، وەجویریگ  نەفت خام برێنت رەسییە 103.22 دۆلار ئەرا هەر بەرمیلیگ، و نەفت خام تەکساس ئەمریکی رەسییە 91.50 دۆلار، و بەشیگ لە زەرەدەیل دانیشتن  گوزەشتە قەرەبوو کردن.