شەفەق نیوز- بەغداد

داهاتەیل بودجەی فیدراڵی عراقی ئەرا مانگ حوزەیران 2026 داوەزیان توومار کرد ئەرا نزیکەی 35.946 تریلیۆن دینار، وە وەراورد وە 62.004 تریلیۆن دینار لە خود مانگ لە ساڵ 2025، وە کەمەوبۊنیگ کە رەسیە نزیکەی 26.058 تریلیۆن دینار، ئەوەگ یەکسانە وە نزیکەی 42%.

وەپای داتایەیل جیوەجیکردن بودجەگە کە ئاژانس شەفەق نیوز چەوی وەپی کەفت، داهاتەیل نەفتی لە حوزەیران 2026 رەسینە نزیکەی 28.506 تریلیۆن دینار، لە وەرانوەر 57.053 تریلیۆن دینار لە حوزەیران 2025، وە کەمەوبۊنیگ کە رەسیە نزیکەی 28.547 تریلیۆن دینار.

 وە هەژمارکردن نرخ خەرجکردن 100 دۆلار لە وەرانوەر 132 هەزار دینار، بڕ داهاتەیل لە حوزەیران 2026 یەکسانە وە نزیکەی 27.23 ملیار دۆلار، لە وەرانوەر نزیکەی 46.97 ملیار دۆلار لە حوزەیران 2025.

لە وەرانوەر ئەوە، داهاتەیل نانەفتی بەرزەو بۊن ئەرا نزیکەی 7.440 تریلیۆن دینار لە حوزەیران 2026، وە وەراورد وە 4.951 تریلیۆن دینار لە حوزەیران 2025.

 بەشداری داهاتەیل نەفتی لە بڕ داهاتەیل لە 92% لە حوزەیران 2025 ئەرا 80% داوەزیا، لە حوزەیران 2026  لە وەختیگ بەش داهاتەیل نانەفتی لە 8% ئەرا 20% بەرزەو بۊ.