شەفەق نیوز/ لە پارێزگای بەسرە، باشوور عراق، دامەزریان بزووتنەوەی "چالاکوانەیل"ی سیاسی سەروەخوەی ئاشکرا کریا، کە  پڕۆژەی دروسکردن هەرێم بەسرە یەکیگە لە خاوەندارییەتیە سەرەکیەیل، و وەگشت هازیگ ئەرای کار کەێد.

 ئیوارەی دویەکە شەممە، یەکەمین کۆنفرانس دامەزریان بزووتنەوەی "چالاکوانەیل" لە هۆڵ یەکێتی بازرگانەیل لە بەسرە وەڕیەو چگ.

ئەندامەیل بزووتنەگە له پۆستەیلیگ ک شەوەکی زوی ئمڕوو یەکشەممە لەبان سۆشیال میدیا بڵاو کردن وتن: لە چوارچیوەی تەقەلایل چالاکوانەیل بەسرە  ئەرا دروسکردن قەوارەیگ سیاسی که داوای هەرێم بەسرە کەێد، و کار ئەرا دروسکردنی کەێد، بڕیگ لە تاوانارەیل دڵسووز و سەروەخوەی، توەنستن یەکەمین کۆنفرانس دامەزریان بزووتنەوەی (چالاکوانەیل) ئەنجام بیەێد سەروەخوەی، و دەنگدان لەبان ئەندامەیل ئەنجومەن سیاسی بزووتنەوەگە وە ئامادەبوین نوێنەرەیل کۆمسیۆن سەروەخوەی هەڵوژاردن.

ئەندامەیل ئومید خوەیان نشان دان کە بزووتنەوەگە گشت کەسیگ خەڵک بەسرە دڵسووز وەخوەی بگرێد کە داوای پڕۆژەی هەرێم بەسرە کەێد ئەرا نەهیشتن دیکتاتۆریەتی قیزەونی ناوەند.

هەرلیوا، یەکیگ لە ئامانجەیل بزووتنەوەگە کاندیدکردنە لە هەڵوژاردن ئەنجومەنی پارێزگایل لە عراق کە بڕیارە لە کۆتایی ساڵ 2023 وەڕیەو بچوود.

 وەرپرسەیل بزووتنەوەگە کەسەیلیگ ناسریای و چالاکوانن، و ساڵەیل گوزەشتە داوای هەرێم بەسرە هەکاتی هەرێم کوردستان کردنە، کە بویەسە نمونەیگ و ناوچەیل باشوور عراق وە مدوو ئەو پشکەفتن  کە لە بوارە جیاجیایل وە تایبەتی لە کەرت بیناسازی و ئاوەدانی شایەتییە.