شه‌فه‌ق نيوز/ چه‌كداره‌يليگ سه‌ر وه‌ ريكخرياگ تيرۆريستى داعش په‌لاماريگ ئه‌را بان خاڵيگ سه‌ربازێ سه‌ر وه‌ سوپاى عراقى له‌ قه‌زاى خانه‌قين ئه‌نجام دان.

له‌و باوه‌ته‌و، سه‌رچه‌وه‌يگ ئه‌منى ئه‌را شه‌فه‌ق نيوز وت: ئه‌و چه‌كداره‌يله‌ دويه‌شه‌و ديره‌ وه‌ختيگ په‌لامار خاڵيگ سه‌ربازێ سوپاى عراقى دانه‌ له‌ نزيك ئاوايى محه‌مه‌د شيربه‌گ له‌ خانه‌قين و جه‌نگ چه‌كدارى له‌ناونى هه‌ردوگلا كه‌فته‌سه‌و.

سه‌رچه‌وه‌گه‌ يه‌يش ده‌رخست قوربانى له‌ رز سوپاى عراقى كه‌فته‌سه‌وه‌و دوياى ره‌سين ده‌سميه‌ت سه‌ربازێ ئه‌را سوپا چه‌كداره‌يل داعش خوه‌يان له‌و شوون رويداگه‌ كيشانه‌سه‌و.