شەفەق نیوز - کەرکوک

سەرچەوەیگ ناوخوەیی، ئمڕوو پەنجشەممە، خەوەر دا  ئەندامەیل لە رێکخریاگ "داعش" هاووڵاتییگ لە  ئاوایی ئەلسێحەی سەر وە قەزای حەویجە لە باشوور خوەرئاوای پارێزگای کەرکووک رفاننە، دەرفەت لە بارودۆخ کەشوهەوا و ئاڵشتبوین ئاووهەوا  شەو گوزەشتەی ناوچەگە وەرگردنە.

سەرچەوەگە ئەرا ئاژانس شەفەق نیوز وت:، کار رفاننەگە لە وەختگ دیروەخت لە شەو چوارشەممە لەبان پەنجشەممە رویدایە،  دیاریکرد ئەندامەیل رێکخریاگەگە کەموبوین ئاست نوڕین لەئەنجام بارودۆخ کەشوهەوا وە دەرفەت وەرگردنە ئەرا دزەکردن ئەرا ناو ئاواییەگە و جیوەجیکردن کار رفاننەگە.

دیاریکرد،  زانیارییەیل هویرد رویداوەگە و هویردەکاری تا ئیسە تەواو نەبویە، لە وەختیگ هێزەیل ئەمنی وەردەوامن لە رێکارەیل مەیدانی ئەرا شوونکەفتن رویداوەگە و گەردین لەدویای  هاووڵاتییە رفیاگە، وەگەرد شوونکەفتن رێرەو واین  و گرتنەوەر رێکارەیل هەوەجە ئەرا وەشوینکەفتنیان.

ئاوایی ئەلسێحە کەفێدە ناو قەزای حەوێجە،  نزیکەی 60 کیلۆمەتر لە باشوور خوەرئاوای شار کەرکووک دویرە.