شه‌فه‌ق نيوز/ عه‌بدولهادى سه‌عداوى ئه‌ندام ليژنه‌ى دارايى له ئه‌نجومه‌ن نوێنه‌ره‌يل عراقى، پيشبينى ئه‌وه كرد ريژه‌ى كه‌مهاوردن له بودجه‌ى ساڵ 2020 به‌رزه‌و بدێ ئه‌را 72 تريليۆن دينار، وه‌يه‌يش كاريگه‌رى خراو له‌بان دابينكردن خزمه‌تگوزاريه‌يل و هه‌وه‌جه‌يل خواست پاريزگايه‌يل و وه‌زاره‌ته‌يل دروس بدێ.
عه‌زاوى له باسيگ ئه‌را رووژنامه‌ى ئه‌لسه‌باح نيمچه فه‌رمى له ئماره‌ى ئمڕووى، ئه‌و كه‌مهاوردنه برده‌و ئه‌را خراوى پلاندانان و خه‌رجكردن فريه‌يگ له دارايى وه‌بى گله‌وخواردن ئه‌را بودجه، بيجگه نواگيرى هه‌رێم كوردستان له راده‌سكردن داهات نه‌فتى ئه‌را به‌غدا.
جى باسه، سه‌عداوى هه‌ميش وت: ئى كه‌مهاوردنه له بودجه بار حكومه‌ت قورسه‌و ئه‌كاو ناچارى وه قه‌رزكردن ناوخوه‌يى و ده‌ره‌كى ئه‌كاو يه‌يش له‌يوا ئه‌كا بارى له ئاينده‌و ئه‌را ساڵه‌يليگ قورسه‌و بكا.