شەفەق نیوز/ وەزارەت دارایی عراق، ئمڕوو سێشەممە، دەسکردن وە سپۆنسەرکردن مووچەی فەرمانبەرەیل دەوڵەت ئەرا مانگ شوبات راگەیان.
وەزارەتەگە لە بەیاننامەیگ رەسیە ئاژانس شەفەق نیوز وت: فەرمانگەی ژمێریاری لە وەزارەت دارایی دەسکەێدە سپۆنسەرکردن مووچەی فەرمانبەرەیل دەوڵەت ئەرا مانگ شوبات، وەگورەی میکانیزمەیل دارایی.
وتیش: فەرمانگەی ژمێریاری داوا لە یەکەیل خەرجکردن لە وەزارەتەیل و پارێزگایل و ئەو لایەنەیلە کە پەیوەندی وە وەزارەت نەیرن، لە سوو چوارشەممەو نوێنەریان کل بکەن تا داواکارییەیل سپۆنسەرکردن مووچەیل تەواو بکەن، وەگەرد دووپاتکردن لە پابەندبوین وە خشتەی سپۆنسەرکردن مانگانە، و جیوەجیکردن گشت ریکارەیل.
وەزارەتەگە پابەندبوین تەواوی وە خەرجکردن شایستەی فەرمانبەر و خانەنشینەیل و تووڕەیل کۆمەڵایەتی وەگورەی خشتەی وەخت و مەوقەی خوەی دووپات کرد وەبی هویچ دیرکەفتن یا کەمکردنیگ.
وەزارەتەگە هەمیش زە یەکجاری رەت لە هەر پەککەفتنیگ دارایی کەێد کە گوایە کاریگەری لەبان مووچەی داشتوود، و وەردەوامە لە کارکردن ئەرا مسۆگەرکردن جیگیربوین سیاسەت دارایی و دابینکردن شایستەیل وەگورەی ئەو پلانەیلە کە پشت وەپییان بەسیاس.