شەفەق نیوز/ وەزارەت دارایی عراق ئاشکرای ئاڵشتکردن نویسراوە فەرمیەیل کەێد کە پەیوەنی وە کلکردن مووچەی هەرێم کوردستان دیرێد، دووپاتکرد لە پابەندبوین تەواوی وە بڕیارەیل دادگای فیدڕاڵی باڵا.
وەزارەتەگە لە بەیانامەیگ رەسیە ئاژانس شەفەق نیوز ئاشکرایکرد، لەوەر رووشنایی خەوەریگ و قسەیلیگ کە لەبان تووڕ کۆمەڵایەتی و کەناڵەیل راگەیانن بڵاوبویە لەباوەت کلکردن مووچەی هەرێم کوردستان لە چوارچمگ بودجەی فیدڕاڵی گشتی دەوڵەت، وەزارەتەگە دووپاتکرد کە وە تەواوی پابەندە وە یاسای بودجە و بڕیارەیل دادگای فیدڕاڵی کە پەیوەنی وە جیوەجیکردن بەندەیل بودجە دیرێد.
وتیش، وەزارەتەگە گشت رونکردنەوەو نویسراویگ فەرمی پەیوەنیدار وە باوەتەگە بەرزەوکردیە.