شەفەق نیوز/ ئیخلاس دلێمی، ئەندام دەسەی دارایی پەرلەمان، ئمڕوو سێشەممە، دووپات کرد کە گیچەڵ دیرکەفتن مووچەی فەرمانبەرەیل و کارمەنەیل کەرت گشتی پەیوەندی وە گشت پارێزگایل عراق دیرێد، و تەنیا لە هەرێم کوردستان نییە، لەوەر کەمی پویل وەردەس.
دلێمی ئەرا رووژنامەنویسەیل لە قەزای مەخموور لە نەینەوا وت: کیچەڵ مووچە پەیوەندی وە گشت پارێزگایل عراق دیرێد، و تەنیا لە هەرێم کوردستان نییە، چوینکە گیچەڵ لە پویل وەردەس هەس.
وتیش: باوەت مووچەیل گرنگە، هاتێ کەمیگ دیر بکەفێد، وتیش؛ ئەمروو مووچەی بەشیگ لە وەزارەتەیل هەرێم کوردستان مەرەقەز کریا، و وەماوەی کەمتر لە هەفتەیگ مووچەی گشت پارێزگایل عراق و هەرێمیش وەگەردیان مەرەقەز کریەێد.
دلێمی مەزەنە کرد کیچەڵ دیرکەفتن مووچە لە مانگ ئایندە تەواو بوود، و ئەوەسا لە مانگ ئایندە فەرمانبەرەیل عراق و هەرێم کوردستان مووچە لە مەوقەی خوەی وەرگرن.