شەفەق نیوز ـ بەغدا

وەزارەت دارایی، ئمڕوو چوارشەممە، دووپاتکرد فەرمانگەی بودجە وەردەوامە لە دۊزەوکردن لە ناو ئەو کەسەیلە لە دامەزراوەیل تەندروسی وەشیوەی گریەبەس کارکەن، هەمیش هەشمارکردن ئەو خەرج دارایەیلە وە مدوو زیایکردن  مووچەی مانگانەیان لە 400 هەزار ئەرا 600 هەزار دینار دروسبوون. 

وەزارەتەگە لە بەیاننامەیگ رەسیە ئاژانس شەفەق نیوز راگەیان، رێکارەیل زیایکردن وە پشت بەسان وە بڕیار ئەنجومەن وەزیرەیل تێد، مووچە نووەیلەیل لە رووژ دەسوەکاربوینیان هەشمارکریەێد.

وتیش؛ فەرمانگەی بودجەکارەیل دۊزەوبوین وەپای ناو وداتایەیل کە لە وەزارەت تەندروسی رەسیە وە پشت بەسان وە   نامەی شمارە (76753) لە 10ی ئەیلوول 2026، ئەنجام دەێد و دیاریکرد مەزەنەکریەێد رێکارەیل لەی هەفتە تەواوبکریەن تا گامەیل هەوەجەکریاگ دارایی ئەرا جیوەجیکردن ئەو زیایکردنە بڕیار لەبانی دریایە وەربگیریەێد.