شفق نيوز- بغداد
وەزارەت دارایی عراق فەرمانیگ فەرمی دەکرد لەبان مەرەقەزکردن بەرزە مووچە و سەرە مووچەی فەرمانبەرەیل وڵات.
لە نیسریایگ فەرمی وەڕێوەبەر گشتی فەرمانگەی بودجەلە وەزارەتەگەوەناو "مەرەقەزکردن بەرزە مووچە و سەرە مووچە" هاتییە، رێنماییەگە دەسکردن وە دەرکردن فەرمان ئیداری ئەرا بەرزەکردن فەرمانبەرەیل گرێدەو و حساوکردن بڕوانامەی خوەنین کە لەوەخت خزمەتکردن وەدەسیهاوردنە، وەپا رێنمایی و یاساگان.
وەزارەتەگە دیاریکرد ، هەوەجەس خشتەی هویرد کلبکرێد کە ڕاپۆرتیگ پەسەنکریاگ وەزیر و ئەندامەیل لیژنەی ناوەندی بگردە خوەی، جویر بڕوانامەی خوەنستن و رەوایی دەرکردن، هەمیش فەرمان کارگێڕی پەیوەس وە حساوکردن وە پشتبەستن بەو داتایەیلە وەرین دیاریکریان.