شەفەق نیوز/ ماڵپەڕ «مونیتۆر» ئەمریکی وت: ریخریاگ داعش تیرۆرست ک لە ساڵ ٢٠١٩ وەشیوەی گەورایگ ویران کریا، هیمان تووڕەگانی توانای رەسین ئەرا ١٠٠ مەلیۆن دۆلار دیرن ک لە خوەرهەڵات ناوڕاس دابین کریاگە.
بەڵکم پشتدەسە داراییەگان داعش هالە خوارترین ئاستی، لەوەختیگ داگیر زەویەیل فراوانیگ لە عراق و سوریا لە ساڵ ٢٠١٤ کرد، ک داهاتەیلی لە باجەگان و نەفت فرووشتن لەو ناوچەیلە لەدەس دانا، ک جیماگەیل داعش لە سوریا هیمان بەشەیل پویلیگ لە کەسەیلیگ وەرگردن لە ناو تورکیا پەیوەندی وەگەردیان دیرن، و قاچاخچیەیلیگ لە عراق.
بەشیگ لەی هەواڵە پویلەیلە لەڕی کۆمپانیایل هەواڵەکردن لە کامپ هۆل وەپیان رەسێد، ک وبەشیگی لە سنوور بیاوانی لەناوبەین عراق و سوریا ئەرایان چوود.
مونیتۆر لە راپۆرتیگ ئاژانس شەفەق نیوز وەرگێڕانی کردگە، ئاماژە کەێد ک هیمان داعش لەناو سوریا لەڕی باجەگان لە قاچاخکردن نەفت پویل گردەو کەێد، و هەمیش لە دزیکردن و چزداین لە خاوەن کار و دانیشتوەگان، و لە چالاکیەیل کۆمپانیایل درووکانییگ.
دێڤید ئاشیر تۆژینەوەکار لە پەیمانگای هادسون ئەمریکی ک سەرپەرشتیاری جەنگ ئابووری وەزارەت دەرەوەی ئەمریکی لەبان داعش لەناونی ساڵەیل ٢٠١٤ و ٢٠١٥ کرد، ئووشێد: شایەت ئیدارەی سەرۆک جۆ بایدن ئارەزوو دووارە نووڕستن لە کردەوەیل واشینتۆن لە خوەرهەڵات ناوڕاس لە دویای دۆناڵد تڕامپ بکەێد، و شایەت تەقەلای بڕین ریەیل پشتگیریکردن سپۆنسەرکەرەیل داعش بیەێد.
مونیتۆر لە زوان ئاشیر ئووشێد؛ رازیبوین تورکیا وە سپۆنسەرکردن فرە گەورایگ ئەرا داعش سرووشتی نەوی و مەزەنە نێەکەم ک رەنجەیل فرەیگ لەناو تورکیا دریا ئەرا بڕین سپۆنسەرکردن داعش.
لە بنەمای راپۆرتیگ لە نەتەوە یەکگرتووەکان، داعش ئیسە ١٠ هەزار چەکدار لەناوبەین عراق و سوریا دیرێد، و ئەمریکا دەسمیەت عراق لە پاڵپشتی ریکارە ئەمنیەگانی لەبان سنوور سوریا دا ک ٤٠٠ میل دریژاییە، و ئەرا چەن ساڵیگ لە قاچاخکردن چەک و چەکدار و هووشبەرەگان و جگارە و پویل وەکار هاوریا.