شەفەق نیوز/ سەرچەوەیگ ئەمنی لە پارێزگای میسان، ئمڕوو دووشەممە، خەوەردا لە کەفتن زەخمدارەیلیگ لە ئەنجام پەلاماریگ لەبان بازاڕیگ لە پارێزگاگە
سەرچەوەگە ئەرا ئاژانس شەفەق نیوز وت: کەسەیلیگ چەکدار تەقە لە بازاڕ مجەر لە قەزای مجەر کەبیر لە باکوور پارێزگای میسان کردن، و پەلامارەگە بویە هوکار زەخمداری ٣ کەس.
سەرچەوەگە دیاری کرد ک لێکۆڵینەوەی سەرەتایی لە رویداوەگە ئاشکرا کرد ک چەکدارەیل لە خود هووز زەخمدارەیل بوینە، و رویداوەگە لەبان ناوکۆکییگ کۆنە لەناوبەین هەردوگ لایەنەگە بویە.