شەفەق نيوز/ چەکدارەیلیگ نەناسیای، شەفەق ئمڕوو یەکشەممە، نویسینگەی مستەفا جەبار سەنەد ئەندام ئەنجومەن نویەنەرەیل لە پارێزگای بەسرە گردنە وەر گولەواران، و دویای ئەوە وەرەو شوین نادیاریگ واین.
ئەو پەرلەمانتارە لەبان سۆشیال میدیای فەیسبووک پارچە ڤیدیۆیگ بڵاو کرد، کە نشان دەێد نویسینگەی لە ساعەت دوو شەفەق کەفێدە وەر گولەواران چەکدارەیلیگ وەناو ماشینیگ "كزرولا" رەنگ چەرمگ.
سەنەد وت یە دویەم پەلامارە لەیجویرە وەبان نویسنگەی لەماوەی پەنج مانگ، و ئەو کەسەیلە کە یەکەم جار پەلامار دان دەسگیر کریان کە وت وە پویل کار کەن، و نیەزانێد کی هاپشتیان.
بڕیار بوی واز لە ماف کەسایەتی خوەی بارێد لە پەلامار یەکەم لەوەر کەسەیلیگ کەفتنەسە ناوەین و ژوورەیل هووزانە و ئەو کەسەیلە کە پەلامار دانە ئمڕوو مەرەقەز بکەێد، وەلێ لەوەر ئی پەلامارە واز لەو بڕیارە هاورد.
ئەو پەرلەمانتارە لە پۆستەگەی راگەیان کە بڕیار دایمن ئەو تەنیا نویسنگە لە پارێزگاگە بوەسیمن ئەرا بیوەیی ناوچەگە و پاسەوانەیل.