شەفەق نیوز/ سەرچەوەیگ ئەمنی لە خانەقین، ئمڕوو جمعە، خەوەردا لە زەخمداربوین خاوەن نووسینگەی زەوی وخانییگ نزیک لە حەشد شەعبی، وە پەلاماریگ چەکدار.
سەرچەوەگە ئەرا ئاژانس شەفەق نیوز وت: ٣ چەکدار وە کووڵ ماتۆڕسکڵیگ تەقە بە خاوەن نووسینگەگە (حازم شەکەرچی) لە جادەی مەزرەعەی ناوڕاس خانەقین کردن، و زەخمداری بەی و وەرەو خەسەخانەی خانەقین بریا.
جی باسە ک شەکەرچی وەرجە دوو مانگ لە پارێزگای سلێمانی وە گوماکردن لە ناوەگەی گریا، و ئیجا مەرەقەز کریا، ک بویە هووکار خۆپیشاندانیگ لەلایەن نزیکەیل حەشد شەعبی لە وەردەم بینای ئاسایش سلێمانی و یەکێتی نیشتمانی کوردستان.
وەگورەی زانیاریەیلە؛ شەکەرچی لە حەشد شەعبی و سەرکردەیلی نزیکە.